NON SÓ FOI GRANDE A COLLEITA DE UVA ESTE ANO
OS ESPECIALISTAS FACENDO A COLLEITA
«Eiquí dáse de todo, menos o azafrán» sentenciaban os vellos cando pasaba algo raro ou extaraordinario nun lugar. Mais non é certo, pois o azafrán tamén se dá. Igual que as feixoas, as berenxenas, os kiwis, o lúpulo, as laranxas, as chirimoias ou as guaiabas… E se se dan tan exóticos frutos por que non se ía dar ben a «María». Xa comentamos que o cultivo desta planta exótica vén de vello e que incluso de bautizou como «País». Pero o que xa é extraordinario son as inxentes apreensións desta «herba» por toda a xeografía galega de norleste a sudoeste (Rianxo, Portas, Oia, Valadares…) e non só no Porriño que semella ser o lugar máis idóneo para este cultivo, ademáis de Porreiro (o monte), Porráns ou Porriñeiro, todos lugares alusivos ao «asunto». Que investiguen (os servizos de intelixencia) o por que destes sospeitosos nomes e quizais dean coa orixe (viveiros) da enorme extensión que esta planta está a alcanzar en Galicia (o noso «país»). Nota: As autoridades sanitarias avisan que non porque «coloca» se debe fomentar entre os parados.
Xaolin 