O HÁBITO NON FAI AO MONXE
Xa nos sorprendeu pola sua presenza en «acto público» ao aparecer «vestido de gallego» e pola sua xustificación tan «sui generis» do evento. Agora voltou a sorprendernos facendo «acto de presenza», after hours no macro-botellón da sua cidade para reclamar «in situ» datos sobre este ritual xuvenil dos últimos anos.
Mais o que nos deixou abraiados foi a resposta a unha pregunta sobre o uso da língua galega: Di que tamén o sabe falar porque «aprendí gallego de pequeño en Padrón. Mi abuelo tenía una pequeña finca junto a la casa de Rosalía de Castro». Imos ver, imos ver… Esta a dicir que esa finca outorga poderes políglotas como as línguas de fogo que llos deron aos apóstoles? Quérenos dicir que esta finca por estar ao lado da casa de Rosalía (santa Rosalía?) posúe este benéfico don? Pois xa saben os da Mesa pola Normalización Lingüistica, os do ILGA, os da Academia e os dos equipos de Normalización (perdón, Dinamización(?) Lingüistica, etc. onde resolver o problema do castrapismo en Galicia: Organicemos excursións tal cual romaría milagreira a ese bendito lugar. Iso si, antes hai que pedirlle permiso ao señor Conde.
Xaolin 