QUEN PICA? A FANECA OU O ESCARAPOTE

A FANECA E O ESCARAPOTE

PICAN OU NON PICAN?

Este anuncio nunha tenda de Boiro suscitaría un enconado debate a redor de se é a faneca ou o escarapote quen pica aos bañistas. Cientificamente, a faneca e o escarapote non son o mesmo peixe, ainda que os dous se poidan comer. O que ocorre é que ao escarapote chámanlle faneca brava nas Rias Baixas e este peixe é o que pica cunhas espiñas que tén na cabeza, producindo unha intensa dor. O escarapote (de aí, escorpión) tén varias subespecies e a máis achegada a nós é a scorpaena porcus ou porco-escorpión (ou ao revés, adepende). Os nosos mariñeiros chámanlle porco do mar pois ao sacalo da auga rincha coma un curricho. Ademáis existe a crenza de que cando abonda é que vai haber bonanza no mar. Sobre os remedios para a sua picadura, ademais das sandalias de plástico (fanequeiras), temos constancia escrita en Galicia de que o mellor é botarlle amoniaco: Así o dixo hai máis de 200 anos (1788), D. José Cornide Saavedra cando publicou o coñecido (?) “Ensayo de una historia de los peces y otra producciones marinas de la costa de Galicia arreglado al sistema del caballero Carlos Linneo con un tratado de las diversas pescas, y de la redes y aparejos con que se practican”. (Nin que dicir tén que, actualmente hai libros máis breves que este título). A auga moi quente tamén é boa pero nunha praia… Onde se consegue? Ao mellor no chiringuito… Os nosos paisanos tamén din que lle vai ben botarlle mexo…

Este remedio incluso xa está en inglés:(ANOTHER SOLUTION WOULD BE TO URINATE SINCE IN THE WOUND THE RUST IT POSSESSES AMMONIA BUT THIS SOLUTION WOULD DEPEND ON THE GRADE OF SHAME OF EACH PERSON).

Pero claro, nunha praia… Porse a mexar… Bueno, coidado co amoniaco pois tén que estar diluído nunha porcentaxe. Darlle golpes á ferida serve para esparexer o veleno e apertar na ferida para que saia sangue tamén serve no alivio. Tamén coidamos que o pobo chamado Escarabote débelle o nome a este peixe.