O narrador chileno Eduardo Labarca reivindicou a portada do seu máis recente libro, «El enigma de los módulos», na que aparece mexando sobre a tumba do escritor arxentino Jorge Luis Borges. «Quen se vai ofender? Se se ofenden é porque teñen unha visión moi curta, non creo que se ofendan», declarou o chileno na edición dominical do diario Perfil, de Bos Aires. «O meu acto tén dous significados: homenaxe ao mestre e repudio ao (Borges) cidadán», sinalou Labarca, de 72 anos. «Estando ancián, case ceego, veu a Chile a saudar ao ditador (Augusto) Pinochet nos días en que estaba matando», expresou o literato, que reside en Austria. Labarca espera que a familia de Borges tome este asunto «con humor borgiano» (información de EFE). Labarca aparece así na foto de portada do seu libro «El enigma de los módulos» e sobre este «escándalo» para algúns borgianos, engade: «Borges era un xigante como escritor pero como persoa, un ser despreciable». Igualiño que algún «borgiano» que coñecemos aquí en Galicia.
O escritor Labarca mexa na tumba de Borges para «homenaxealo»
Esta entrada fue publicada en Pagoda. Guarda el enlace permanente.