O MESTRE DE CULINARIA
De todos é sabido que os ourensáns ao non ter mar, optaron por invadir Vigo primeiro e logo Samil na tempada do estío, basicamente. O que non saben os escasos vigueses con «pedigree» é que esta actitude tén unha compoñente atávica que provén xa desde a Idade Media ao pertencer a Illa de Santistevo (Cies) ao mosteiro de Coruxo (Vigo) que á sua vez dependía de Celanova (Ourense). Mais o caso é que co tempo, Samil foi mudando os «okupas» ourensáns polos portugueses (a culpa foi de Siniestro Total?). E así lles foi. Non sabían que tamén os portugueses reclamaron estas terras como propias. Non oiron falar do Conde de Camiña? Pois entón que non se extrañen de que un veciño luso (que non iluso) optara por facer o churrasco a pé de praia ENCHUFANDO A GRELHA NOS BAÑOS PÚBLICOS! O peor xa non foi que o cacharon os «munipas» e agora o Concello lle reclame o custe do «suministro irregular». O peor, segundo testemuñou o luso, foi que se lle estragou a churrascada!
Xaolin 