A GAVOTA, O ESTANQUE E O XAOLÍN
Un novo estanque estaba a piques de se inaugurar en Lourido (Poio). A tal fin, botaron nel 200 carpas que desapareceron nun prazo dunha semana. Os veciños puxeron en coñecemento das autoridades o misterioso asunto. Así non se podía inaugurar! Por iso as autoridades locais mandaron indagar sobre o sucedido: Pensaron deseguida nun veciño famento pero as pescudas deron negativo. Entón montaron un dispositivo especial, destinando unha patrulla da policía local á vixilancia do estanque. Ao pouco, este «operativo» colleu «in fraganti» aos autores: Eran as gavotas! A solución proposta foi a de facerlle un acobillo aos peixes e así cando os amigos de Nemo visen que se achegaban, só tiñan que dar a alarma e correr ao refuxio. A dia de hoxe, non sabemos se resultou ben esta gran idea. O xao-lin encargado do estanque dos «peixes devoradores» do mosteiro e moi coñecedor das gavotas (militara en Alianza Popular antes de ingresar no mosteiro) propuxo como máis sabia solución a que nos envía nas fotos (a da dereita é el mesmo dándolle de comer aos «devoradores).
Xaolin 