TORTILLA Á BASCA
RIBADEO ESQUECE AO PRIMEIRO IMPORTADOR DA PATACA A GALICIA
Actualmente, xa case non quedan dias no calendario para celebrar un DIA DE… Mais, entre esa manchea de efemérides falta unha fundamental : O DIA DA PATACA. Parece mentira! Un alimento tan importante e que en épocas pasadas librou a tanta xente da fame: Irlandeses, galegos… E que os franceses elevaron (Parmentier por medio) a excelencia culinaria na que a raíña foi a escasa omelete (tortilla en español) superada en España pola consistente de patacas con numerosos aditivos. No 1970 xa se cumpriran catrocentos anos da sua chegada a España pero foi Florentino Fernández Tablas quen no terceiro centenario da sua chegada, atribuíulle a un seu antepasado, instalado en América, o cultivo das primeiras patacas en Ribadeo. Aos descendentes deste galego sempre se lles chamou desde aquela «Os Pataqueiros» e no 1886, Ribadeo celebrou con honra o terceiro centenario desta «fazaña» que permitiu ir mudando o consumo de castaña polo da pataca: Loor e gloria aos nosos heroes! Pero por que non volven a celebrar esta festa (outra máis!) e contratan ao grupo de «reggae» POTATO? Queda dito.
Xaolin 