Democracia real, Xa! Sacou onte á tarde a centos de cidadáns galegos á rua para demostrar o seu rexeitamento ao modelo político e económico actual. A protesta tivo lugar en Santiago, A Coruña, Vigo, Ferrol, Ourense e Lugo; e repetiuse, asemade, en máis de medio cento de cidades españolas coa participación dun público de distintas idades que respondeu ao chamado desta nova plataforma ciudadá, que se declara apartidista e aposta por unha «revolución ética», co lema central de: Non somos mercadoría en mans de políticos e banqueiros. Todos á rúa. O asalto ao vestíbulo dun xornal de Santiago e as detencións dalgúns participantes en Madrid empañaron estas protestas pois desde algúns medios se tildou esta convocatoria de violenta:
Violentos?
Din que somos violentos que escribimos violento, que falamos violento…
Non estou de acordo:
Violentos son os BOEs, os luns ao sol ou á sombra.
Violentas son as sua leis, as ETTs, as colas do INEM, o sorriso das suas señorías…
Violentos son os falsos discursos pacifistas, as “accións democratizadoras”…
Violentas son as sua excelencias, as pensións de 3 cifras, as tarifas da luz, da auga e do gas…
Violenta é a privatización dos servizos públicos esenciais: medicina, ensino, transportes…
Violentos son os seus informativos os seus libros de texto, os seus plans de estudo…
Violentas son as urbanizacións, as recalificacións, as reestructuracións…
Violentos son os executivos de grandes soldos e prebendas…
Violenta é a actuación das multinacionais…
Violentos son os EREs, os traxes escuros, os caciques…
Eles.
Nós, non!
Nós somos agresivos porque somos como animais feridos que se protexen e atacan.
Así nos quere a natureza: vivos!.
Xaolin 