A frase «ti pensas cos pés» dise moitas veces cando alguén non fala con sentido ou lóxica. Tamén se lle aplica aos futbolistas polo baixo perfil cultural da maioría deles deles e por ser un xogo esencialmente practicado con eses membros: De aí balompé, por se «furbo» non queda claro en «espanglis». No caso dos animais, podería pensarse que os que teñen aletas son máis listos e de aí a competencia dos hu8manos creando o mergullador (hombre-rana en castelán)…. Pois non, o titular só se refire ao resume dunha charla que viña a concluir que os seres vivos alcanzaron máis intelixencia ao viaxar, ao desprazarse, ao coñecer cousas e lugares novos.
Sendo romana, xa hai que deducir que en moi bo estado non se atopaba. Outra cousa é que pagase a pena recuperala ou non.
É ben fácil adiviñar que foron os trasnos da imprensa os autores do «gazapo» pero o neoloxismo «Atomóvil» é un gran achado e de gran contribución á lingüistica e á automoción modernas. Atomóvil: Dise do coche minúsculo (cada vez son máis pequenos) e tamén se di daqueles coches que ao mellor funcionan con enerxía nuclear (Deus non queira). Si señor, moi axeitado o palabro!
Xaolin 