SEVE E DOUS ALOUTADORES
Temos que nomear con todo merecemento a Severino da Estrada non só por ser o dono do Ximnasio Shaolin (Xaolin) senón tamén polo seu empeño en recuperar a Loita Galega. Xunto con outros colegas puxéronse a recabar información sobre esta «arte (in)marcial» autóctona e descubriron que xa se fala dela como un «xogo» (Dicionario Mundial do Deporte) no ano 1882 no que mesmo participaban as mulleres. As mañas, o rolo, o feixe, a cotelada, as cambadelas… son técnicas empregadas para botar aao contrincante ao chan ou fóra do circo trazado. Interesante, non? Na nosa aldea, de mozos, tamén dirimíamos as desputas cunha louta na que actuaban de árbitros os presentes, evitando «mañas» vantaxistas. Mais o de Seve and company, quizais influídos polas artes orientais, xa chegou a establecer tres categorías: a faixa gris plata (baixa); a faixa castaña (media) e a faixa negra (alta) de «mestre aloutador». Tamén decidiron o «traxe de combate» con camisola e pantalón refurcido azul escuro ou negro ??? Ademáis, xa algún político quixo denominar a este divertimento ou enfrentamento de aldea como «loita celta», igualiño que aconteceu coa música e cos porcos (celtas?), con perdón.
Xaolin 