Sicodelia tanatoria
Sempre se falou das cores da vida, ou de «flipar en cores», pero das cores da morte pouco se ten dito. Bueno, ultimamente xa se ofertan caixas de mortos «tuneadas», reciclables ou con música pero o cemiterio de cores de Dumbría é unha pasada. A arquitecta Rosana Pichel deseñou un complexo de panteóns con 216 nichos de cores inspirada no artista Piet Mondrian e nos favores da Deputación que axudou bastante nos 2.000.000 millóns de euros do proxecto. Ademáis dos nichos, o cemiterio conta cuns voadizos móbiles que se acanean co vento sustentados en columnas que semellan árbores. A idea semella que tivo moita aceptación e xa están adxudicados todos os nichos, rachando co tópico do conservadurismo galego nesta materia. Só un problema: Que a familia estea dacordo coa cor da tumba porque ao morto vaille dar igual… Ou ao mellor non é así, quen sabe…
Xaolin 