ONDE ANDAS, CRISANTO?
Como xa sabedes todos, Galicia é un país no que adoita desaparecer a xente: uns emigran, outros van mercar tabaco e non volven, outros ingresan na Santa Compaña, outros van ao monte ou a pescar e desaparecen… Incluso hai mortos que desaparecen! Como Crisanto, o empresario que desde hai uns meses saiu misteriosamente do nicho… e ainda non se sabe del. Bueno, del non se sabe pero cousas del si que sabemos. A primeira, é que hai unha boa herdanza polo medio que ían repartir os seus fillos. A segunda, que aparece un fillo extramatrimonial que tamén quere parte do quiñón. E para demostralo, pois veña, proba de ADN ao canto. Nisto, é cando desaparece o Crisanto do nicho… Non fai falta ser un xaolín para caer da burra! Mais resulta que daquí a un tempo, móstrase que o demandante de paternidade si que é fillo de Crisanto pois unha das fillas lexítimas xa tiña doado o seu ADN. A pasa outro pouco de tempo, é resulta que aparece outra filla extramatrimonial do Crisanto! A xuiza do caso xa tolea: Tres fillas por un lado, logo outro fillo e agora outra filla máis. Como siga a cousa así, vai resultar que todos os da comarca son parentes… e se sabelo.
Ante a noticia de que a Xunta de Galicia vai MANDAR PARLAMENTARIOS E PARLAMENTARIAS PARA RESOLVER O PROBLEMA DE NATALIDADE (?)que temos, un experto xaolín en socioloxía e cousas da gaita informou ao Parlamento do Hórreo que este problema debíase sobretodo á perda de homes como Crisanto e que en Galicia xa quedan poucos como el: Que fose capaz de deixar unha fortuna e que tocase tan ben a gaita. QUE O ATOPEN XA DUNHA VEZ! Xa hai quen pide un monumento para el como é habitual neste noso País onde escasean os herois.
Xaolin 