A CURIOSA PREDICIÓN DO TEMPO EN PORTUGAL

De todos é sabido que Portugal ainda conserva unhas profundas raíces tradicionais que se mostran a calquera paso que damos pola sua xeografía. O tempo meteorolóxico tamén é nese territorio un tema adoito recorrente en canta conversa se dá. Este país colocado en longa franxa norte – sur, amosa innúmeras zonas climáticas que provocan, pese á actual tecnoloxía, moitos desatinos nos encarregados da información meteorolóxica. Polo tanto, para resolver estes problemas dunha vez por todas, os responsabeis do asunto decidiron pór en marcha un sistema que nunca fallase en ningunha das distintas zonas do país, incluídas as insulares Açores e Madeira. E lanzados á modernidade pero sen perder nen unha farangulla do esencial, o Serviço Meteorológico portugués vén de colocar estes paineis de Previsão Meteorológica para que o cidadán conte coa información do tempo mais precisa que xamais se viu. Si, señor: A tradición, irmanada coa precisión mais absoluta. Isto si que é I+D+IT (o T é de tradicional). Xa poden botarse a tremer os xaponeses, ianquis, suizos… ante tan grande e tan barata mostra de avanzo tecnolóxico ainda sen globalizar. Por iso non conviña moito difundir este sistema pois sería interesante que os de Meteogalicia o incorporasen como contraste fiabel aos seus partes meteorolóxicos.