NON É UN COCHE FAMILIAR, CLARO!
A superpoboación é un problemón na India (e na China) desde xa hai moitos anos. Os distintos gobernos dos estados poñen en marcha de cando en vez campañas de esterilización masculina para atallar o problema. Lembramos que hai xa corenta anos regalábanlle un transistor (radio portátil) a quen se sometía á esterilización. Agora co paso dos anos en Pali, no distrito de Jhunjhunnu xa se fan 10.000 operacións ao ano. Claro que os regalos tamén mudaron e agora os premios (sorteos) van desde un coche Tata nano ata teléfonos móbiles, televisores, motos, batedoras ou cartos en metálico que son 250 euros para os homes e 154 euros para as mulleres se deron a luz unha nena. En Europa, a esterilización (vasectomía) é voluntaria e mesmo reversible pero non estaría mal aplicarlla a algúns que andan a fodernos a día de hoxe.
Xaolin 