- UN XAOLIN «CONTROLANDO» A AVÉSPORA
A AVÉSPORA ASIÁTICA CRUZA O BIDASOA!
Como se da invasión de Atila se tratase ou como se as tropas napoleónicas saltasen outra vez os Pireneos, Euskadi prepárase para a defensa contra este implacable inimigo das nosas abelliñas. É o que lles faltaba! Hai un tempo que andaban baixas de produtividade e cando se estaba buscándolle un remedio ao estrés que sufrían por culpa das obras, do ruido das perforadoras, dos camións… Ala! Chegan as vespas velutinas (a motovespa é outra cousa) e atacan ás nosas abellas. A sicose xa está estendida polo norte pois xa se detectaron avanzadiñas tamén en Huesca e en Cantabria. Ata o goberno andaluz xa se está preparando e iso que estas avésporas levan mal a calor.
De momento como as asiáticas son poucas, as nosas abellas están contraatacando usando a táctica da escuadra: catro soldados e un cabo (este só da ordes) para cada avéspora asiática. Pero, claro, non sabemos se as nosas abellas resistirán. Como están estresadas… De seguro que terán que pedirlle axuda a Abella Maya…
-Peor sería unha invasión de avespón nipón que mide 5 cm. -dixo un apicultor galego. -Se fixese mel, votaba fóra ás nosas. Por zánganas -matinou.
Desde a frente de Euskadi chega esta información: http://www.youtube.com/watch?v=vQVehR9rAk8
Xaolin 