LUISIÑO NA ESCALEIRA MÁIS FAMOSA DE GALICIA
Din as malas línguas foráneas que se te atopas a un galego nunha escaleira, non sabes se sube ou se baixa. Pois que llo digan a Gonzalo Jácome de Ourense que subiu sen parar ao Empire State de Nova York ou a Luis Calvo, «Luisiño», que subiu este ano ao mesmo edificio en 12´18´´ quedando no posto 15º. Este enxeñeiro forestal (en paro como é habitual no noso país) de Negreira, apenas tivo tempo de prepararse e para iso marchou a Portugal a subir primeiro ao Bon Xesús de Braga e logo a Santa Luzia en Viana do Castelo. Mais neste último lugar só puido «treinar» cos seus 600 chanzos de subida que son menos da METADE (maldita palabra esta) dos 1.576 chanzos do famoso edificio. Os da radio do seu pobo para magnificar a xesta dixeron que subira 1.860 chanzos e que «na sua franxa de idade» quedara de 8º: Isto si que é «barrer para a casa». Ainda así, «Luisiño» declarou que se non fose polo «funil» da saída no que perdeu 20´´ e un «tipo» que lle fixo un «tapón» ata o andar 20º, a cousa houbese ido mellor. Mira os dous cataláns, acostumados a subir aos «castellets» (eran de Valls), quedaron moito peor clasificados. Luisiño foi financiado polo
REBAIXAS? NON. O FUNIL DA SAÍDA
concello de Negreira e «fixo patria» na sua camisola quedando entre os «MELLORES SUBIDORES DE ESCALEIRAS DO MUNDO».
Moitos parabéns por isto desde o Templo de Xa-o-lin e tamén por desmentir o tópico da escaleira e os galegos e sobretodo porque non sabemos como TE MOVICHES se… ESTÁS PARADO!
Xaolin 