O LORO-GATO COLOMBIANO
Recentemente, dos ladróns de Bogotá foron sorprendidos roubando nun dos barrios pobres da cidade e alguén avisou á policía que iniciou a sua persecución sen poder collelos… Como os ían cachar se os ladróns se refuxiaran no cárcere de La Picota. Claro que unha vez alí, foron detectados e… alí quedaron. Os gardas dixeron que era a primeira vez que lles ocorría iso. Se estes «cacos» tivesen a picardía duns seus veciños, isto non lles pasaba. Resulta que os colegas destes tiñan un loro que os avisaba cando viña a policía, dicindo: «Miau, miau, que te pilla el gato». Os policías alucinaban con isto pois a pesar das vixilancias e dos chivatazos nunca daban prendido aos ladróns. E claro, agora sabemos isto todo porque ao final colléronos. Non sabemos se prenderon ao loro por cómplice pero nun país como ese, seguro que está preso… no zoo da cidade, claro!
ISTO É PURO OCIO
Mais, a veces, non é preciso ir tan lonxe para atoparse con casos semellantes. Pasou que aquí, en Galicia, a policía toleaba buscando a dous «cacos» autóctonos. Sabían que andaban cerca pero… nada! Ao final, resulta que os ladróns galaicos estaban… no cárcere en Portugal!
Xaolin 