O LADRÓN NARCOLÉPTICO
NARCO-LÉPTICO
Vaia por diante que a narcolepsia non é unha enfermidade dos narcos. Un curioso amigo do alleo foi detido pois mentres roubaba un coche quedou durmido. Dez dias despois foi detido outra vez mentres desvalixaba unha vivenda. Esta vez levou a un colega con el para non quedar roque pero fixeron moito barullo e un veciño avisou á policía e trincaron aos dous, esta vez por «durmírense nos loureiros». E falando de narcolepsia… Sabían vostedes que a vacina contra a gripe A que se collía a través das galiñas e dos ovos, produce esta enfermidade do sono? E se ao mellor o ladrón tiña esta gripe e non o sabía? As autoridades debían meter man neste asunto, xa!
A VASOIRIÑA ASASINA
A VASOIRIÑA E A OCCISA
Un individuo matou á sua nai coa vasoiriña do váter. Bateu nelacon tanta saña que lle desfigurou toda a face. E é que non se pode facer apoloxía deste artiluxio, por iso está sempre agochado nun recanto pola sua perigosidade. Por certo, que un 80% das persoas declaran sentirse máis seguras coa vasoiriña, diante dunha agresión, que cun arma de fogo. Para que logo digan.
COMO UNHA CHIVA
Un experto neste tipo de asasinatos tamén matizou que ao mellor o home estaba influenciado polas letras do coñecido cantautor «El Chivi» que fixo moi famosa a sua canción: «Biografía no autorizada de una escobilLa de váter»
SALAMÁNTIGA AUTÓCTONA
SALAMÁNTICA ANDALUZA?
A un descerebrado, non se lle ocorreu outra cousa que coller tres bichos destes nunha «poza» e poñerse a vendelos por internet a 12 euros cada un. E claro, foi cachado e agora tén que pagar unha multa que nindiola: Non sabía que eran unha especie protexida… Ademáis, se todos fan o mesmo, Galicia pode quedar sen anfibios… ou réptiles?
Xaolin 