Traemos ao noso Habituario a morte alevosa dun porco vietnamita que residía en Aldán (Cangas), moi lonxe dos seus lares paternos. Fora adoptado por unha familia deste pobo e fozaba a pracer polos arredores da casa de acollida sen meterse con ninguén. Mais un día un veciño disparoulle coa escopeta desde a ventá da sua casa, alegando que o confundira cun xabarín. A consternación apoderouse dos seus pais (?) de adopción e de moitos veciños que lle profesaban xa moito cariño. Nin que dicir tén, que o «cazador» alevoso foi denunciado á Garda Civil, asegurando que a paixón
que este veciño tiña pola caza, levábao a dispararlle desde a ventá a todo o que se movía, xa fose terrestre ou volátil. E non tiña licenza de armas!
Non sabemos que pasou con este «cazador» miope e ilegal e menos sabemos que lle aconteceu ao cadáver do porco xaolín. Ainda que, sabendo que estamos en Galicia e non era difícil imaxinar o seu derradeiro destino, o certo foi que o bacoriño rematou… DESECADO!