Por se non fose pouco o xa publicado sobre a bata anteriormente, agora enteirámonos de que mesmo existe unha tese de licenciatura apoiada nun traballo de investigación sobre esta prenda tan peculiar. Xa forma parte da idiosincrasia deste país ata tal punto que Gonzálo Vázquez, un deseñador de Vilaboa que se deu a coñecer polas suas creacións vestiarias para obras de teatro e grupos musicais, fai fincapé en que a bata é xa un símbolo de Galicia.
Unha cousa que nos chamou a atención deste deseñador é que é quen se encarga de preparar o vestiario para a película «O Divino Ferrete», primeira (en) cinta porno galega. A cuestión que se plantexaron os xaolíns e que segue a ser motivo de (enconado) debate é… que carallo de vestiario se pode deseñar para unha película porno se nestes filmes pasan a maior parte do tempo en porranchas?
Mais volvendo á bata, facémonos eco dunha campaña da Dirección Xeral de Tránsito (tráfico en Galicia xa se sabe: É outra cousa) para que as nosas mulleres vistan o chaleque reflectante cando vaian pola estrada a visitar á veciña, cando vaian a coller as patacas ou sachar na leira, etc. Dada a importancia que xa adqueriu a BATA, desde o centro de I+D+i xaolin, propoñemoslle a DXT que en Galicia se use en exclusiva o modelo que se ve na foto. Agardamos que por unha vez nos fagan caso.
You could not be more right on