Mentres o alcalde de Caldas de Reis quere ter a carballeira urbana máis bonita de Galicia (Ben de Interese Cultural desde 1962), a Xunta opta pola eliminación de superficies arbóreas non sabemos con que estraña intención. Resulta que en Cascaxide – Escuadro (Silleda) había un bosque cheo de carballos e acibros que a sua dona deixou en mans da Xunta. Un día, a propietaria achegouse para ver como utilizaba o noso goberno as suas propiedades cedidas: NON ESTABA O BOSQUE! TODAS AS ÁRBORES FORAN TALADAS! 150 Carballos e acivros, ademáis doutras árbores ata o número de 2.650 exemplares, desapareceran. A dona montou en cólera e foi a falar co responsable deste desaguisado e (ir) Responsable de Conservación da Xunta. Este respondeulle que tiña permiso de Medio Rural para facelo e ademáis engadiu: Señora. «Es un bosque como otro cualquiera». Saquen as conclusións que queiran que a nós, a pesar de posuir unha filosofía todo a Zen, nos sobrepasan estas cousas. E se queren mercar un bosque, pois vaian a Inglaterra pois o goberno deste país vai vender os que son da sua propiedade (o 18% do total) é dicir, de todos os ciddáns: Hainos que desde o poder (pronúnciese o pe con jota) xa fan calquera calquera cousa con tal de paliar a crise: Por que non traballan pola Patria gratis?
TALADOS POR TARADOS
Xaolin 