O antes e despois do latrocinio organizado
Despois de roubarlle un «poni» hai unha semana, agora róubanlle 160 ducias de chourizos e oito xamóns a uns veciños de Pazos (Verín). Non sabemos se comeron o «poni» pero quedou claro que prefiren os animais xa «despezados» e ben curados. Algo moi curioso na noticia xa é o titular: «ROBAN 160 DOCENAS DE CHORIZOS Y JAMONES DE CUATRO CERDOS».
Vaia que as palabras «chorizos» e «cerdos», como teñen outras connotacións, poidan inducir a erro. Pero o de sustituir «jamones de cuatro cerdos» por oito xamóns ainda nos crea máis dúbidas pois «robar los jamones de cuatro cerdos» pode levar a pensar noutra cousa. Ao mellor é a influencia da «raia» portuguesa pois como sabedes os veciños lusos tamén se refiren a «pés de cabalos» en vez de cabalos cando contan o número que integra un escadrón de cabalería. Vgr.: «Alá venhem mais quatrocentos pés de cabalos» quere dicir que veñen cen cabalos. Bueno, algo imos aclarando mentres a Garda Civil ainda anda coas pescudas e moi confusa.
Xaolin 