AS CASETAS CANTORAS DE CANGAS

Antano era a serea de Massó quen marcaba as horas de Cangas, agora é o asubío das casetas de pescadores quen marcan as horas de insmnio dos veciños. Iso si, advirten dos temporais como modernas nereidas solidarias cos mariñeiros. Dous arquitectos foron os perxeñantes destas gaiolas como lles chama a xente e incluso recibiron premios polo seu deseño que non funcionalidade. Agora din que incluso se maravillaron delas os «xaponeses» pois no seu país fan construcións que «cantan». O cao é que estas enormes xaulas traen de cabeza a Portos e a Xunta que non saben como solucinar o problema. Pois é ben fácil: Colocar uns paneis móbiles controlados por ordenador que se abran e se pechen teledirixidos a vontade ou programados. Ou máis ecolóxico ainda, poñendo unha tarabela que ao xirar co vento mova un rolete como o das pianolas ou caixas de música e vaia abrindo as comportas  ou «teclado» para emitir a melodía. O inconveniente sería mudar o rolo cada vez. Así poderíanse tocar pezas de música a man ou pregravadas co que o asunto non só deixaría de ser un problema senón un gran atractivo turístico. Ademáis, agora os galvanizados (contra o ruido) serían os veciñosQue se vaia xubilando o carillón da Caixa e a sua repetitiva Negra Sombra.